PONTEVÉDRATE

Serás de Pontevedra!

Séntete como en casa. Vive unha experiencia única coñecendo de forma diferente a cidade que foi capaz de reinventarse. Pasea polas súas rúas e prazas -ideais para percorrer a pé-, goza das súas tendas e comercios que che entreterán polo camiño, empápate do ambiente e da vida local, saborea a súa gastronomía... E se antes de vir, queres saber máis, aquí poderás descubrir como é, a súa historia, climatoloxía, curiosidades, galardóns que recibiu, como nos ven desde fóra... Xa non hai escusas. Pontevédrate!

10 razóns para vir a Pontevedra

Estás a pensar en visitar Pontevedra? Aínda que hai moitas máis, presentámosche as 10 principais razóns polas que has de vir coñecer esta bonita e premiada cidade. A que esperas para organizar a túa viaxe?

Visitas guiadas

Hai moitas formas de coñecer unha cidade, pero percorrela cun guía pode ofrecernos unha perspectiva máis completa. Coñece o servizo de visitas guiadas..

Historia

Pontevedra, do latín “Ponte Vetera” en alusión á vella ponte romana, gozou da súa época de esplendor durante os séculos XV-XVI grazas ao porto e á pesca da sardiña. Neses momentos chegou a converterse na maior poboación galega. A historia de cidade está chea de acontecementos de gran relevancia e interese. Coñécea!

Situación xeográfica

A situación xeográfica de Pontevedra, capital da provincia e das Rías Baixas, é absolutamente privilexiada e atópase moi ben comunicada por unha boa rede de infraestruturas que a conectan cos principais núcleos urbanos galegos e peninsulares.

Clima

Un verán soleado. Un inverno suave. Nin fríos nin calores extremos. O lugar onde chove o xusto para que o verde predomine na paisaxe. O perfecto lugar para eviar os calores abafantes do verán peninsular e os xélidos invernos do interior. Por algo nos chaman Galifornia! Compróbao!