Nos arredores

O Castelo de Sotomaior atópase a tan só 17 km da cidade e pódese acceder a través da N-550 e EP-2908. A orixe da fortaleza remóntase ao reinado de Alfonso VII durante o século XII, cando se construíu unha torre defensiva neste lugar estratéxico próximo á costa. A súa situación privilexiada, a 100 metros de altura sobre o mar e dominando o val do río Verdugo o protexía de incursións por mar de piratas e normandos.

Máis tarde pertenceu á casa de Sotomaior, cando Pedro Álvarez de Sotomaior, máis coñecido como Pedro Madruga, converteuno en todo un símbolo de poder que reformaría no século XV. Séculos máis tarde converteuse na residencia de Benito Fernando Correa, Marqués de Mos, no século XVIII, posteriormente na residencia de verán dos marqueses de la Vega de Armijo, que o restauraron, crearon unha capela e plantaron as árbores que se conservan na actualidade. Finalmente, a Deputación de Pontevedra adquiriuno no ano 1982.

O castelo, metade fortaleza medieval, metade palacio neogótico, está formado por dúas torres unidas por un edificio e un patio de armas, rodeados por unha dobre muralla. Ademais da súa arquitectura merece especial atención as 25 hectáreas de leira que albergan un Xardín de Excelencia Internacional pola Sociedade Internacional da Camelia. Ademais do gran valor da súa variada colección de camelias presenta outras especies vexetais como a araucaria, a criptomeria ou a secuoia vermella, incluídas no catálogo de árbores singulares.

As súas orixes parecen remontarse ao século VII, época na que San Fructuoso e os seus discípulos fundaron varios mosteiros en Galicia. Téñense referencias concretas da súa existencia baixo a regra de San Benito, no ano 942. A súa época de maior esplendor sucedeu entre os séculos XVI- XVIII. Coa Desamortización de Mendizábal no século XIX, o mosteiro foi abandonado polos monxes benedictinos e non se recuperaría ata a chegada dos frades da Orde da Mercé en 1890. Encostada ao antigo Mosteiro atópase a Hospedería do Mosteiro, habilitada para eses fins desde xullo de 1972.

Do mosteiro destacan a igrexa dos séculos XVII- XVIII e o seu < strong>gran retablo barroco, ademais dos dous claustros do mosteiro, o das procesións do século XVI e o da portería do século XVIII. Neste último atópase un impresionante mosaico do Camiño de Santiago de 80 m de longo e 2,60 de alto creado polo artista checo Machourek, realizado entre 1989 e 1992. Outra das xoias do mosteiro no seu interior é a sua gran biblioteca con máis de 100.000 volumes. Finalmente no xardín atopamos o hórreo de maior capacidade de Galicia, orixinario do século XVIII, e cunhas dimensións de máis de 33 metros de lonxitude e un ancho de 3,36 metros.