Rúas do Centro Histórico
Paseando polo centro histórico gozaremos do encanto de calquera das súas rúas e prazas e iremos descubrindo por exemplo a capela do Nazareno na Rúa Tetuán á que o primeiro venres de marzo van os devotos para pedir as tres gracias, O Santuario das Aparicións na rúa Sor Lucía importante centro de peregrinación mariana do S.XX aquí ingresou como noviza nas Doroteas Sor Lucia, un dos tres pastores de Fátima foi neste lugar, concretamente na súa cela situada na segunda planta, onde se lle apareceu a Virxe en 1925.
Praza Curros Enríquez
Non podes perder a Praza de Curros Enríquez, antigamente do hospital de San Xoán de Deus que se derribou no S.XIX. Preside a praza un busto de Alexandre Bóveda político galeguista. Nas rúas próximas á basílica de Santa María atópase o Campillo de Santa María coas súas casas con soportais do século XVI, o rúa Formigueira, Platería Vella, Alvar Páez e Enfesta de San Telmo . En todas atopamos algunhas murallas e casas de orixe medieval aínda que retocadas no século XVI.