Visitas guiadas

Visit Pontevedra

Coñece Pontevedra co noso servizo de visitas guiadas 2019.

 

Este verán os turistas que visiten Pontevedra poderán optar ao servizo de visitas guiadas acompañados sempre por guías oficiais de Turismo de Pontevedra.

Sesións e prezos

As visitas saen desde a Oficina de Turismo Rías Baixas, na avenida de Santa María s/n (os tickets adquírense no mostrador que Turismo do Concello ten nesa Oficina) e teñen unha duración estimada de case dúas horas.

Do 24 de xuño ao 4 de agosto haberá dúas sesións diarias de luns a sábados, en horario de mañá e tarde, ás 11.30 h e ás 18.30 h. O domingo será só de mañá, ás 11.30 h.

Do 5 ao 25 de agosto ampliaranse os horarios. De luns a sábados, ás 11:30 h, 12.00 h, 18:30 h e 19.00 h. Domingos e festivos, ás 11:30 h

A partir do 15 de setembro a visita realizarase de luns a sábados ás 11:30 h e a da tarde adiántase ás 17:30 h. Domingos e festivos, ás 11:30 h

Os prezos son:

Tarifa xeral: 5 €

Tarifa reducida: 3 € (parados/ as, estudantes, xubilados/ as, pontevedreses/ as, familias numerosas)

Menores de 12 anos de balde.

O tamaño máximo do grupo será de 35 persoas e o mínimo, de 5.

Percorrido

Durante a visita daranse a coñecer todo tipo de elementos culturais, históricos, monumentais, gastronómicos e festivos relacionados con Pontevedra, destacando no itinerario as súas prazas e a riqueza heráldica da cidade e facendo especial fincapé nas lendas e anécdotas da cidade.

Cómpre destacar que neste percorrido visítase tamén o interior dos principais monumentos da cidade, como as Ruínas de Santo Domingo, o Santuario da Virxe Peregrina, a igrexa de San Bartolomé e a Basílica de Santa María.

Visitas de grupos concertados durante todo o ano

Tamén está dispoñible un servizo de visitas concertadas para grupos durante todo o ano. Estas visitas teñen tamén unha duración estimada de 1 hora e 45 minutos e o grupo que queira facer a visita deberá reservar previamente na Casa da Luz no teléfono 986 090 890.

A visita pode realizarse en galego, castelán, inglés, francés e portugués e está suxeita a un grupo mínimo de 10 persoas.

Tarifas especiais para grupos todo o ano:

Grupos de 1-15 persoas: 90 €

Grupos de 16-30 persoas: 115 €

Grupos de 31-60 persoas: 140 €

* As visitas guiadas en idioma estranxeiro (inglés/francés/portugués) incrementarán o importe da tarifa un 10%.

* As visitas guiadas bilingües incrementarán o importe da tarifa nun 30%.

Visit-Pontevedra - Concello de Pontevedra Turismo de Pontevedra S. A.
CASA DA LUZ
Praza da Verdura s/n
36002 - Pontevedra
+34 986 090 890
Este enderezo de correo está a ser protexido dos robots de correo lixo. Precisa activar o JavaScript para velo.
  
Top

© 2017 Turismo de Pontevedra. Concello de Pontevedra.
Todos os dereitos reservados