Visitas guiadas

Visit Pontevedra

Coñece Pontevedra co noso servizo de visitas guiadas 2020.

 

Os turistas que visiten Pontevedra en Semana Santa e ao longo de todo o verán poderán optar ao servizo de visitas guiadas acompañados sempre por guías oficiais de Turismo de Pontevedra.

Punto de saída

As visitas saen desde a Oficina de Turismo Rías Baixas, na avenida de Santa María s/n (os tíckets adquírense no mostrador que Turismo do Concello ten nesa Oficina) e teñen unha duración estimada de case dúas horas.

Sesións e prezos

En SEMANA SANTA, do 6 ao 12 de abril, haberá dúas sesións diarias de luns a sábados, en horario de mañá e tarde, ás 11.30 h e ás 17.30 h. O domingo 12 será só de mañá, ás 11.30 h.

No VERÁN, as visitas realizaranse desde o 24 de xuño ata principios do mes de outubro. Aínda están por confirmar os horarios.

Os prezos son:

Tarifa xeral: 5 €

Tarifa reducida: 3 € (parados/ as, estudantes, xubilados/ as, pontevedreses/as, familias numerosas)

Menores de 12 anos de balde.

O tamaño máximo do grupo será de 35 persoas e o mínimo, de 5.

Percorrido

Durante a visita daranse a coñecer todo tipo de elementos culturais, históricos, monumentais, gastronómicos e festivos relacionados con Pontevedra, destacando no itinerario as súas prazas e a riqueza heráldica da cidade e facendo especial fincapé nas lendas e anécdotas da cidade.

Cómpre destacar que neste percorrido visítase tamén o interior dos principais monumentos da cidade, como as Ruínas de Santo Domingo, o Santuario da Virxe Peregrina, a igrexa de San Bartolomé e a Basílica de Santa María.

Visitas de grupos concertados durante todo o ano

Tamén está dispoñible un servizo de visitas concertadas para grupos durante todo o ano. Estas visitas teñen tamén unha duración estimada de 1 hora e 45 minutos e o grupo que queira facer a visita deberá reservar previamente na Casa da Luz no teléfono 986 090 890.

A visita pode realizarse en galego, castelán, inglés, francés e portugués e está suxeita a un grupo mínimo de 10 persoas.

Tarifas especiais para grupos todo o ano:

Grupos de 1-15 persoas: 90 €

Grupos de 16-30 persoas: 115 €

Grupos de 31-60 persoas: 140 €

* As visitas guiadas en idioma estranxeiro (inglés/francés/portugués) incrementarán o importe da tarifa un 10%.

* As visitas guiadas bilingües incrementarán o importe da tarifa nun 30%.

Visit-Pontevedra - Concello de Pontevedra Turismo de Pontevedra S. A.
CASA DA LUZ
Praza da Verdura s/n
36002 - Pontevedra
+34 986 090 890
Este enderezo de correo está a ser protexido dos robots de correo lixo. Precisa activar o JavaScript para velo.
  
Top

© 2017 Turismo de Pontevedra. Concello de Pontevedra.
Todos os dereitos reservados