Camiña

Visit Pontevedra

Son evidentes os beneficios para a saúde que achegan os desprazamentos a pé. Pontevedra é a cidade idónea para camiñar, pola súa dimensión e polo seu modelo urbano, tan atento á mobilidade sen motor. A maioría dos pasos de peóns están elevados ou forman parte de plataformas únicas e os principais itinerarios urbanos son completamente peonís ou dispoñen de amplas beirarrúas.

Plano da cidade

Un completo plano da cidade no que se recollen todos os lugares de interese. Podes descargalo en formato pdf. Inclúe unha guía de rúas para localizar no mapa as rúas e prazas.

Metrominuto

Unha das accións de comunicación máis difundidas sobre o modelo urbano é o Metrominuto, o mapa de distancias e tempos entre 28 puntos da cidade, que ten como finalidade desdramatizar o feito de camiñar. O mapa foi difundido pola Rede de Cidades que Camiñan e pola organización europea Intermodes, de xeito que moitas cidades crearon o seu propio Metrominuto sobre a base do modelo pontevedrés. Na actualidade está desenvolvéndose una aplicación para teléfonos móbiles.

Pasominuto

O Pasominuto é unha guía de suxestións para pasear polos espazos máis agradables da cidade tendo en conta as distancias que percorres, os pasos que dás e o tempo que che leva.

Visit-Pontevedra - Concello de Pontevedra Turismo de Pontevedra S. A.
CASA DA LUZ
Praza da Verdura s/n
36002 - Pontevedra
+34 986 090 890
Este enderezo de correo está a ser protexido dos robots de correo lixo. Precisa activar o JavaScript para velo.
  
Top

© 2017 Turismo de Pontevedra. Concello de Pontevedra.
Todos os dereitos reservados