“O Camiño Contado” é unha proposta para revalorizar o Camino Portugués o seu paso polo município de Pontevedra e recuperar aqueles elementos patrimoniais e contidos culturais desaproveitados ou esquecidos O Camiño Contado baséase pois non só na documentación tradicional de bens patrimoniais, senón tamén, e sobre todo, na metodoloxía da antropoloxía visual e do traballo etnográfico, mediante unha serie de entrevistas desenvolvidas polo equipo de O proxecto que permitirá incrementar a oferta de turismo cultural de Pontevedra, estendéndoa ás parroquias do concello polas que pasa o Camiño ou que son susceptibles de conectarse a el a través de itinerarios alternativos: unha ruta duns 20 quilómetros cunha duración estimada de 5 horas a pé que atravesa Ponte Sampaio, A Canicouva, Vilaboa (Figueirido e Bértola), Tomeza, Salcedo, Marcón, Pontevedra cidade, Lérez, Alba e Cerponzóns.
É un plan de posta en valor e sinalización dos elementos máis senlleiros, dándolle voz á cidadanía pontevedresa para amosar o seu patrimonio cara ao exterior dende as súas perspectivas, ideas e vivencias persoais “a través dunha peza audiovisual na que un veciño ou veciña do lugar nos dará a coñecelo mentres se amosan imaxes aéreas e terrestres”.
Entre os elementos patrimoniais máis significativos que se poden atopar no treito do Camiño Portugués que discorre por Pontevedra e que a día de hoxe non contan coa promoción ou divulgación suficientes como para convertelos en valores engadidos do itinerario xacobeo, destacamos a Ponte de Ponte Sampaio; a Brea Vella, a Cama do Santo (sartego curativo), o Outeiro das Forcadas (onde se atopan os restos do que puido ser un lugar onde se impartía xustiza entre os séculos XIV e XVIII), a igrexa parroquial de Santo Estevo e o castro do Monte do Castro, en A Canicouva; o Pazo de Gandarón e o cruceiro do Pazo, na parroquia de Salcedo; o roteiro que transcorre polas beiras do río Tomeza e a Poza da Moura (en As Brañas), o Mar da Presa e o muíño de Cabanas, así como a Ponte do Couto.
A Virxe do Camiño
Unha vella mítica no Camiño
Un Camiño de natureza
Un Camiño de mitos: Lendas de San Cibrán
Un Camiño de mitos: A Moura e o Rachador
Un Camiño de cultos e crenzas
Teucro e a fundación de Pontevedra
Santa María e os Mareantes
San Cibrán Un santo protector no Camiño
San Brais Un alto no Camiño
San Bieito de Lérez Un Mosteiro no Camiño
Ritos nas pontes do Camiño
Por terras de Alba e Cerponzóns
Ponte Sampaio Porta heroica do Camiño
Lendas do apóstolo Santiago en Pontevedra
Historias dunha cidade medieval
A Virxe Peregrina
