skip to Main Content

A Illa das Esculturas, coñecida tamén coma Illa do Covo é unha das paisaxes máis representativas da cidade de Pontevedra. A súa situación privilexiada sitúaa nun enclave de gran valor natural e paisaxístico, unha zona do río Lérez declarada coma Lugar de Importancia Comunitaria (LIC), que forma parte de Rede Natura 2000. Este espazo natural dispón ademais de carril bici, paseos, pontes, fontes e mesmo dun parque infantil, facendo deste un lugar apto para tódalas idades.

A Illa do Covo amosa unha perfecta simbiose entre natureza, arte e paisaxe, ao acoller na súa superficie a Illa das Esculturas, un proxecto artístico pioneiro en España. Os artífices do proxecto foron Rosa Olivares e Xosé Antón Castro, dando lugar a unha interesante exposición permanente de esculturas de pedra ao aire libre nunha contorna única ás beiras do río Lérez. O proxecto fíxose realidade en 1999, con motivo da celebración do Ano Santo Xacobeo. En tódalas obras está presente o granito, como unha especie de homenaxe a este material tan presente na cultura galega, dende a antigüidade ata os nosos días. Doce artistas foron invitados para realizar proxectos específicos para a Illa, e cada un deles ideou unha obra que se relaciona coa paisaxe, a tradición do lugar, a historia da escultura e da pedra, e moi especialmente coa esencia do home e a súa relación coa natureza. Este lugar é hoxe o meirande museo de arte contemporánea ó aire libre de Galicia.

Esculturas 1
Esculturas 1
Esculturas 3
Esculturas 2
Esculturas 4
Esculturas 1Esculturas 3Esculturas 2Esculturas 4

Algunhas das esculturas máis sobresaíntes son o labirinto de Robert Morris, que se inspira nun dos petróglifos de Mogor (Marín); a casa sen fiestras de Pedro Croft, que invita a gozar da natureza que se atopa ao seu derredor; a pirámide de Dan Graham, con pirámides invertidas no seu interior que imitan o reflexo da figura no río, o Saavedra de Francisco Leiro, unha saliña no medio do rio, son un exemplo dalgunhas destas esculturas que se adaptaron ó lugar e que dalgún xeito renden homenaxe á cultura e a historia de Galicia.

Artistas e obras

– Giovanni Anselmo: Ceo acortado

– Fernando Casás: Os 36 xustos

– José Pedro Croft: S/T

– Dan Graham: Pyramid

– Ian Hamilton Finlay: Petrarca

– Jenny Holzer: S/T

– Francisco Leiro: Saavedra. Zona de ocio

– Richard Long: Liña de Pontevedra

– Robert Morris: Labirinto de Pontevedra

– Anne & Patrick Poirier: Unha Folie ou Pequeno Paraíso para Pontevedra

– Ulrich Rückriem. S/T

Back To Top
×Close search
Search
Esta web utiliza cookies propias y de terceros para su correcto funcionamiento y para fines analíticos. Al hacer clic en el botón Aceptar, aceptas el uso de estas tecnologías y el procesamiento de tus datos para estos propósitos.    Más información
Privacidad