Concello

A Casa Consistorial atópase situada na Praza de España na confluencia do casco histórico coa alameda do Arquitecto Sesmeros. Edifícase sobre os restos das antigas Casas do Concello (s. XV-XVI). É obra do arquitecto Alejandro Rodríguez Sesmeros respondendo ao estilo ecléctico decimonónico (1877-1890). Desenvólvese a partir de dous pisos de altura con planta rectangular.
Os seus trazos mais destacables son os linteis das fiestras e a fachada principal. Nela cabe destacar os seus catro pares de columnas, o balcón e o reloxo, así como os frontóns das portas.