Pazo da Deputación Provincial

Situado na Alameda, mantén o estilo de arquitectura de finais do s. XIX. Foi construído por Alejandro Rodríguez Sesmeros. Trátase dunha construción de dous andares de altura, formada por un corpo único, que remata en dúas torres aos lados. O seu trazo máis destacable é a profusa decoración da fachada. Acolle a Deputación Provincial e atópase recentemente restaurado sendo tamén sede principal das Bienais de Arte de Pontevedra.