Arquivo Deputación Provincial de Pontevedra

O Arquivo da Deputación de Pontevedra conserva e dispón especialmente o fondo documental xerado pola institución no desenvolvemento das súas funcións e servizos.
Xunto con este, dispón doutros fondos documentais debidamente individualizados, tanto de carácter público ou institucional coma privado e familiar, que por diversas vías ingresaron neste arquivo.
Por último, dispónse do patrimonio documental audiovisual, integrado por documentos gráficos, sonoros e audiovisuais, de gran valor informativo e a disposición de posibles usuarios.